ZMILANTHIS vel Zmilantis

ZMILANTHIS vel Zmilantis

gemmae nomen, apud Solin. c. 37. Zmilanthis in ipso Euphratae alveo legitur, gemma ad imaginem marmoris Proconnesii, nisi quod in medio umbilico lapidis istius glaucum, ut oculi pupula, internitet. Sed gemma non est, quippe nec de minimis nec de pellucidis, hic lapis, aream habens Proconnesio marmori similem, i. e. candidam; mediô colore glancô, (unde μεσόγλαουκος dictus) qui niger est in Proconnesio. Salmas. ad Solin p. 703. et seqq.